في خبر عاجل نزل من شوية، شبكة “سكاي سبورتس” فجرت مفاجأة تقيله وقالت إن الإيطالي كارلو أنشيلوتي قريب جدًا من إنه يبقا المدرب الجديد لمنتخب البرازيل وكل التوقعات دلوقتي بتقول إنه هيودع نادي ريال مدريد الأسبوع الجاي بالكتير.

المحادثات بين أنشيلوتي والاتحاد البرازيلي مكملين فيها خلال شهر مايو، وفيه تفاؤل كبير قوي إنهم يخلصوا الإتفاق رسمي شكلها مسألة وقت وبس قبل مانشوف أنشيلوتي لابس الأصفر بتاع البرازيل.

الخطوه دي جت بعد أيام صعبه قوي على ريال مدريد، خصوصًا بعد ما ودع دوري أبطال أوروبا قدام أرسنال، وكمان خسر كاس ملك إسبانيا قدام غريمه التقليدي برشلونة يعني الموسم خلص على مرار بالنسبه لجماهير الملكي.

أنشيلوتي كان عامل شغل محترم مع ريال مدريد، بس شكل إدارة النادي والراجل نفسه شايفين إن خلاص القصه كده قربت تنتهي جمهور الريال بينقسم دلوقتي، في ناس زعلانه وناس شايفه إن التغيير ضروري.

هنشوف خلال أيام قليله إزاي هتمشي الأمور، بس لحد دلوقتي، كل المؤشرات رايحه ناحية إن أنشيلوتي خلاص بيجهز شنطته عشان يطير للسامبا.